Blúiríní: Dathú

Úsáid Dathú

An Trom

Sambucus nigra

Rinneadh dathú gorm leis an trom.

Blúiríní an phlanda seo →

Úsáid Dathú Ealaíon Páipéar

An Paide Bréan

An Paide Bréan

Rhamnus cathartica

Déantar ruaim bhuí do pháipéar as an gcoirt agus na torthaí réamhaibí a bhíonn ar an bpaide bréan, agus déantar ábhar datha glas, le húsáid ar phictiúir uiscedhatha, as na torthaí aibí.

Blúiríní an phlanda seo →

Úsáid Dathú Alúm Dúch

An Feoras

An Feoras

Euonymus europaeus

D’úsáidtí codanna an chrainn chun dathú a chur ar éadach. Faightear dath dearg ó na torthaí agus dath buí nó glas (má chuirtear alúm—aluminium sulphate—leis) ó na síolta. Dhéantaí dúch do ghasúir scoile as caora oráiste an fheorais i gCo. Mhaigh Eo.

Blúiríní an phlanda seo →

Úsáid Dathú

An Fhearnóg

An Fhearnóg

Alnus glutinosa

Bhídís ag úsáid fearnóga le héadach a dhathú in Éirinn, agus is iomaí dath a chuireann codanna an chrainn seo ar fáil. Cuireann an choirt dath dearg nó dubh ar éadach, faightear dath glas ó na caitíní, agus dath buí ó na géaga óga.

Blúiríní an phlanda seo →

Úsáid Súdaireacht Dathú

An Roithleog

An Roithleog

Myrica gale

Cuireann coirt agus fréamhacha na roithleoige dath buí ar olann, agus úsáidtear é i gcoinnle freisin. Baineadh úsáid as an roithleog i dtionscal na súdaireachta, agus san 18ú haois bhronnadh Cumann Bhaile Átha Cliath duais ar an té ab fhearr a leasódh leathar leis an bplanda.

Blúiríní an phlanda seo →

Úsáid Dathú Coirt

An Bheith Chlúmhach

An Bheith Chlúmhach

Betula pubescens

Dhéantaí dathú as an mbeith. Is iondúil gur dath donn a chuirtí ar an olann le coirt na beithe, ach d’fhéadfaí dath dearg a bhaint as sraitheanna den choirt atá níos faide istigh sa gcrann.

Blúiríní an phlanda seo →