Blúiríní: Duilleog

Leigheas Duilleog Fiabhras Creathach

An Crann Cnó Capaill

An Crann Cnó Capaill

Aesculus hippocastanum

Úsáideadh duilleoga an chrainn cnó capaill chun fiabhras creathach a leigheas in Éirinn, ach seachas sin ní léir go raibh mórán úsáid eile ag muintir an oileáin seo don chrann mar chógas leighis.

Blúiríní an phlanda seo →

Sainaithint Saothróg Duilleog

An Seiceamóir

An Seiceamóir

Acer pseudoplatanus

Is dath glas dorcha a bhíonn ar an taobh uachtarach ar dhuilleog an tseiceamóra. Is iondúil go mbíonn siad níos gile ar thaobh íochtarach na duilleoige, ach tá saothróga ann (var. purpureum) a bhfuil dath corcra ar thaobh íochtarach na nduilleog.

Blúiríní an phlanda seo →

Sainaithint Duilleog

An Fhearnóg Liath

Alnus incana

Bíonn duilleoga ubhchruthacha le bior ar bharr na nduilleog ar an bhfearnóg liath, murab ionann agus an fhearnóg dhúchasach, a mbíonn duilleoga piorracha uirthi, le heang ar a mbarr.

Blúiríní an phlanda seo →

Sainaithint Duilleog ornáideach

An Pribhéad Calafoirniach

An Pribhéad Calafoirniach

Ligustrum ovalifolium

Tá an pribhéad Calafoirniach curtha go fairsing i ngairdíní ar fud na tíre, agus faightear ag fás go fiáin é mar éalaitheach gairdín freisin. Is i gcruth na nduilleog is mó a fheictear an difríocht idir an pribhéad Calafoirniach (le duilleoga lonracha ubhacha) agus an pribhéad dhúchasach (le duilleoga neamhlonracha lansacha).

Blúiríní an phlanda seo →

Ainmneacha Sainaithint Duilleog

An Crann Cnó Capaill

An Crann Cnó Capaill

Aesculus hippocastanum

Thugtaí torthaí an chrainn cnó capaill do chapaill, agus deirtear gur as sin a tháinig ainm an chrainn. Ach má bhreathnaítear go géar ar an lorg duille ar na craobhacha, feicfear go bhfágann an duilleog, a thiteann ón ngéag sa bhfómhar, lorg crú capaill ar an gcraobh, freisin.

Blúiríní an phlanda seo →

Sainaithint Duilleog

An Fhearnóg Iodálach

An Fhearnóg Iodálach

Alnus cordata

Is sna duilleoga is mó gur féidir na difríochtaí a fheiceáil idir an fhearnóg choiteann agus an fhearnóg Iodálach. Bíonn dromchla uachtarach dhuilleoga na fearnóige Iodálaí lonrach agus bíonn dath glas geal orthu — i gcodarsnacht le dath neamhlonrach, níos dorcha na fearnóige coitinne.

Blúiríní an phlanda seo →

Duilleog

An tSaileach Bhán

An tSaileach Bhán

Salix alba

Bíonn dath liathghlas ar na duilleoga lansacha a bhíonn ar an tsaileach bhán. Bíonn siad clúdaithe le ribí gruaige bána, go háirithe ar an taobh íochtarach den dhuilleog. Tugann na ribí gruaige seo cuma gheal nó bhán do na duilleoga agus don chrann, agus is mar gheall air seo a ghlaoitear an tsaileach bhán uirthi.

Blúiríní an phlanda seo →