Blúiríní: Caitíní

Tréithe Boladh Duilleog Caitíní

An Roithleog

An Roithleog

Myrica gale

Bíonn boladh álainn ón bplanda mar gheall ar ola shoghalaithe a thagann ó fhaireoga sna duilleoga agus sna caitíní.

Blúiríní an phlanda seo →

Tréithe Caitíní

An Dair Ghaelach

An Dair Ghaelach

Quercus petraea

Mar phlanda moinéiciach, bíonn bláthanna baineanna agus fireanna ar an gcrann darach céanna. Is mar chaitíní glasa (5 cm ar fhad) a fhásann na bláthanna fireanna agus osclaíonn siad san earrach, sula dtagann na duilleoga amach.

Blúiríní an phlanda seo →

Tréithe Caitíní Éiceolaíocht Beacha Leamhain

An tSailchearnach

An tSailchearnach

Salix caprea

Ceaptar go bhfuil boladh na gcaitíní tábhachtach do shaileacha mar nach bhfuil dathanna suntasacha acu chun pailneoirí a mhealladh. Ceaptar, freisin, go n-athraíonn an tsailchearnach boladh cumhra na mbláthanna idir lá agus oíche, le leamhain a mhealldh san oíche agus meachain sa lá.

Blúiríní an phlanda seo →

Éiceolaíocht Caitíní Bláth

An Fhearnóg

An Fhearnóg

Alnus glutinosa

Is planda moinéiciach í an fhearnóg—bíonn bláthanna baineanna agus fireanna ar an gcrann céanna. Bíonn na caitíní fireanna fada agus titeann siad anuas ón ngéag. Bíonn dath buí orthu san Earrach. Bíonn na caitíní baineanna glas nuair a bhíonn siad óg, agus dubh nuair a thagann siad chun aibíochta. Tagann bláthanna ar na caitíní idir Feabhra agus Aibreán (cé go mbíonn siad forbartha ó fhómhar na bliana roimhe sin.

Blúiríní an phlanda seo →

Éiceolaíocht Caitíní Bláth

An Coll

An Coll

Corylus avellana

Bíonn an caitín baineann an choill an-bheag agus suite ar an ngéag os cionn na mbláthanna fireanna, le nach ndéantar féin-phailniú. Breathnaíonn na caitíní seo cosúil le bachlóga beaga glasa. Bíonn roinnt bláthanna baineanna istigh i ngach caitín, le stíleanna gearra dearga ag teacht amach as gach ceann acu.

Blúiríní an phlanda seo →