Blúiríní: Aois

Tréithe Aois

An Fhuinseog

Fraxinus excelsior

Is sean-chrann í aon chrann fuinseoige atá idir 100-200 bliain d’aois agus is crann ársa í fuinseog atá os cionn 225 bliain d’aois.Tá crainn i bhforais ársa Bialowieza na Polainne atá 250-400 bliain d’aois.

Blúiríní an phlanda seo →

Tréithe Riosóim Aois

An Crann Creathach

Populus tremula

Scaipeann an crann creathach go tréan lena chuid meathán. Is iad sin na crainn óga a fhásann aníos ó riosóim (nó fréamhacha faoi thalamh) an bhunchrainn. Ní mhaireann na crainn aonaracha i bhfad (idir 50-100 bliain), ach d’fhéadfadh go mbeadh aois mhór—na mílte bliain—ag clampaí crainn chreathacha.

Blúiríní an phlanda seo →

Tréithe Aois

An Fhearnóg

An Fhearnóg

Alnus glutinosa

Aithnítear fearnóg atá os cionn 150 bliain mar chrann ársa (ní bhíonn an dair ársa go dtí go mbíonn sí 400 bliain d’aois).

Blúiríní an phlanda seo →

Tréithe Aois

An tIúr

An tIúr

Taxus baccata

Tá an t-iúr ar cheann de na crainn is fadsaolaí in Éirinn. Meastar go bhfuil iúr i Loch Garman idir 800 agus 1,200 bliain d’aois agus ceaptar go bhfuil iúr Fortingall, i bPerthshire na hAlban, idir 3,000 agus 4,000 bliain d’aois. Bíonn sé deacair aois chruinn a chur ar iúir mar go loghann a gcroí-adhmad—a úsáidtear le haois crainn a mheas—nuair a éiríonn siad an-sean. Leathann craobhacha an iúr amach ón stoc agus, nuair a bhuaileann siad an talamh, fásann na géaga fréamhacha nua. Nuair a tharlaíonn sé seo, fágtar fáinne de chrainn iúir i bhfad tar éis don bhunchrann sa lár loghadh.

Blúiríní an phlanda seo →

Dáileadh Tréithe Aois

An tAiteann Gaelach

An tAiteann Gaelach

Ulex gallii

Tá an t-aiteann gaelach níos ísle ná an t-aiteann gallda (Ulex europaeus). Ní minic a fhásann sé níos airde ná 1.5 m, agus is iondúil go mbíonn sé sínte cuid mhaith níos ísle ná sin. Fásann sé i ndeisceart na tíre, agus in iarthar Chontae na Gaillimhe, le pócaí beaga eile ar shléibhte Chill Mhantáin agus sna Beanna Boirche i gContae an Dúin.

Blúiríní an phlanda seo →

Tréithe Aois Meatháin

An Draighean

An Draighean

Prunus spinosa

Maireann an draighean ar feadh thart ar 100 bliain, ach cuireann sé meatháin aníos go minic as a bhfásann plandaí nua. Mar sin, is minic go mbíonn clampaí móra den draighean ag fás le chéile.

Blúiríní an phlanda seo →

Tréithe Aois Stair

An Dair Ghallda

An Dair Ghallda

Quercus robur

Is crainn fhadsaolacha iad na daracha — bíonn dair ársa nuair a bhíonn sí os cionn 400 bliain d’aois, agus tá daracha ann atá os cionn 1,000 bliain d’aois. Deirtear gurb é Brian Bóramha, a cailleadh sa bhliain 1014, a chuir an dair ghallda ársa i dTuaim Gréine, Contae an Chláir. Tá sí beagnach 8 m timpeall an stoic. Tá dair ghallda eile, an King Oak, i gCaisleán an Rátha, Contae Chorcaí, ar a laghad 400 bliain d’aois, agus meastar go bhféadfadh sí a bheith 800 bliain d’aois.

Blúiríní an phlanda seo →